Skandali/ Gjyqtarët ndryshojnë datën e lindjes për të mos dalë në pension (FOTO)

Për të shtyrë afatin e daljes në pension dhe zgjatur qëndrimin në detyrë, tre gjyqtarë kanë gjetur një taktikë të veçantë duke ndryshuar datën e lindjes.

Më konkretisht, gjyqtari i Gjykatës së Rrethit Gjyqësor Lezhë, Dedë Deda, rezulton se ka lindur në datën 10 tetor të vitit 1949. Por, gjyqtari deklaron se e ka ulur moshën me vendim gjykate. Në formularin e vetëdeklarimit, gjyqtari Dedë Deda thotë se ka lindur në datën 01.05.1951, duke e ulur moshën me dy vjet.

Po ashtu, Flora Hajredinaj, gjyqtare në Gjykatën e Shkallës së Parë për Krimet e Rënda, ka ulur moshën me tre vjet.

Në formularin e vetëdeklarimit, zonja në fjalë thotë se ka lindur në datën 01.11.1969, por sipas saj, kjo datëlindje është një gabim i zyrës së gjendjes civile. Zonja thotë se ka lindur në datën 01.11.1972, pra tre vjet më vonë, shkruan "Shqiptarja".

Shefkie Mataj, gjyqtare pranë Gjykatës së Shkallës së Parë në Tiranë, e njohur edhe si Shefkie Demiraj dhe Shefkie Hajdarmataj, ka ulur moshën me tre vjet. Zonja e njohur për opinionin publik për disa vendime të çuditshme, thotë se data e lindjes së saj, 10.07.1955, është një gabim i zyrës së gjendjes civile. /albeu.com/
Shtuar më 02/06/2016, ora 09:36
Shkruani komentin tuaj!
Të fundit nga kjo kategori