Shqipërisë i shtohen edhe 30 komando të rinj (FOTO LAJM)

30 ushtarë të rinj u bënë pjesë e një prej njësive elitë të ForcaveArmatosura të Shqipërisë.

Pjesëtarët më të rinj të batalionit Komando, u betuan pas përfundimi të kursit 3-mujor, gjatë së cilit treguan aftësitë e nevojshme fizike dhe psikologjike për të shërbyer në detyra dhe operacione të vështira.

Pjesëtarët më të rinjforcave komando, të mbështetur nga efektivët më me përvojë të këtij batalioni, demonstruan disa veprime luftimi me armatim dhe trup me trup.

Kursin e XIII Komando e nisën 41 ushtarë nga reparte të ndryshme të FA, por arritën ta përfundojnë vetëm 30 prej tyre.

Pjesë të programit të këtij kursi janë vrapimi 27 km me pajime, mbijetesa, alpinizmi në terrene tepër të thepisura shkëmbore, njohuri armatimi dhe qitje me ngarkesë.

Në përfundim, 30 ushtarët e rinj u pajisën me stemën e re të komandove dhe vendosën beretën blu, simbol i këtij batalioni elitar të ForcaveArmatosura shqiptare.

Shtuar më 18/05/2018, ora 09:30

Shkruani komentin tuaj!
Të fundit nga kjo kategori