Taulant Muka është personi që bëri bujë duke akuzuar ish-zv.ministrin e Arsimit, Ervin Demo për plagjiatur, ku më pas mori edhe postin e tij.

Por "aventura" e Taulantit në postin e zëvendësministrit të Arsimit nuk ka zgjatur shumë, pasi ditën e sotme ka dhënë dorëheqjen.

Sipas tij, ai nuk e ka gjetur të përshtatshëm modelin e punës së aplikuar në Ministrinë e Arsimit Sportit dhe Rinisë, dhe për këtë ka paraqitur dorëheqjen pranë kryeministrit Edi Rama.

“I nderuar z. Kryeministër,

Për arsye etike, morale dhe profesionale, dhe të papajtueshmërisë që unë kam në modelin e punës të aplikuar në Ministrinë e Arsimit, Sportit dhe Rinisë, ju paraqes dorëheqjen time të parevokueshme nga posti i zëvendës ministrit të Arsimit, Sportit dhe Rinisë”, shkruhet në letrën e Mukës. /albeu.com/