Më shumë se gjithë garderoba juaj, Kylie Jenner shpenzon për një çantë kopshti të Stormi-t (FOTO LAJM)

Stormi Webster ka nisur që tani të mësohet me jetën e luksit dhe kjo falë nënës së saj, Kylie Jenner. Ajo është vetëm 2 vjeçe dhe sapo ka blerë një çantë që kushton më shumë se të gjitha çantat tona të mbledhura bashkë.

Ditën e sotme Kylie postoi në Instagram një foto të Stormit duke mbajtur në krahë një çantë Hermes para nisjes së kopshtit. Para se t’ju themi shifrën e saj, por ju paralajmërojmë që mund të ngeleni pa fjalë!

Çanta e shpinës Hermes Togo Kelly Ado në ngjyrë rozë ka kushtuar plot 12 mijë dollarë. Pamjen e saj vogëlushja e kishte plotësuar me një palë atlete Air Jordans, një fustan të zi dhe një palë vathë diamanti. Se sa mund t’i ketë kushtuar në total Stormit e gjithë veshja e nisjes së kopshtit nuk e dimë, por e marrim pak a shumë me mend përderisa mësuam shumën e kripur të çantës.

Megjithatë kjo nuk është hera e parë që Stormi merr dhuratë një çantë firmë, sepse që në këtë moshë ajo thuajse e ka plotësuar koleksionin me brandet më të njohura. Mjafton të përmendim këtu çantën e personalizuar Louis Vuitton, që tezja e saj, Khloe Kardashian, i bleu në fillim të këtij viti dhe që kushtoi rreth 2 mijë dollarë.

Shtuar më 01/10/2020, ora 09:45

Shkruani komentin tuaj!
Të fundit nga kjo kategori