Rama vazhdon të publikojë foto dhe jep mesazhin e fortë: Mos ia përtoni askujt (FOTO LAJM)
Kryeministri Rama publikon dhjetëra foto të restoranteve, hoteleve e bar-kafeve të bllokuara sot nga Hetimi Tatimor pas denoncimeve në aplikacionin e qeverisë ‘Stop Informalitetit’.

‘Ka arritur në 290 numri i qytetarëve që kanë denoncuar abuzuesit, brënda 24 orëve të para të aplikacionit STOP INFORMALITETIT! Shumë faleminderit.

3881 është numri i qytetarëve që e kanë shkarkuar aplikacionin në smartfonin e tyre, gjatë këtyre 24 orëve’, shkruan Rama krah fotove.

Më tej, kryeministri fton gjithë qytetarët që të shkarkojnë aplikacionin për të denoncuar mospajisjen me kupon, dhënien e pagës në të zezë, konkurencën e pandersshme, etj.

‘Shkarkoje aplikacionin STOP INFORMALITETIT edhe ti që sapo e lexove këtë status dhe mos i’a përto askujt që refuzon të të japë kuponin; që të jep pagën në të zezë dhe nuk të paguan sigurimet e shëndetit e të pensionit; që të bën konkurencë të pandershme; që të vjen për kontroll në biznesin tënd dhe sillet keq apo kërkon rryshfet. Denoncimi është i fshehtë dhe identiteti i denoncuesit 100% i mbrojtur’, përfundon kryeministri Edi Rama.
Shtuar më 21/08/2019, ora 21:07
Shkruani komentin tuaj!
Të fundit nga kjo kategori