Probleme me gazin e makinës, minuta mankthi për adoleshentin shqiptar (VIDEO-FOTO)
Një 16-vjeçar shqiptar me banim në Shtetet e Bashkuara të Amerikës ka përjetuar një histori jo fort të këndshme pasi makina me të cilën ai po udhëtonte ka shfaqur probleme me pedalin e gazit.

Elez Lushaj po udhëtonte në Teksas me një Hyundai Elantra por papritur nuk ka mundur të kontrolllojë më shpejtësinë e makinës pasi ajo e merrte vetë gazin. 16-vjeçari me anë të telefonit ka kërkuar ndhmën e policisë, e cila pas disa minutash i është gjendur pas.

"Nuk arrij të ndaloj makinën, ajo me ecen me 125 milje në orë" shprehej 16 vjecari ne telefon ndersa operatori përgjigjej: “Po punoj për këtë, të premtoj që po punoj”.
Operatori i policisë tentoi të lidhej me shitësit e kompanisë Hyundai, por askush nuk kishte një zgjidhje. Në fund, pasi nuk mundi të shmangë një kamion, makina e adoleshentit doli nga rruga, u rrotullua katër herë dhe ndaloi.

Ky mankth ka përfunduar pa pasoja për 16-vjeçarin shqiptar i cili nuk ka pasur lëndime. /albeu.com/
Probleme me gazin e makinës, minuta mankthi për adoleshentin shqiptar

Shtuar më 26/02/2013, ora 14:04

Shkruani komentin tuaj!
Të fundit nga kjo kategori