Problem serioz! Ja pse u ndanë Inva Mula dhe Ethem Ramadani (FOTO LAJM)

Ditën e djeshme u përhap lajmi se sopranoja e njohur Inva Mula i kishte dhënë fund martesës së saj 11-vjeçare me biznesmenin kosovar, Ethem Ramadanin. Prej kohësh çifti ka jetuar jashtë Shqipërisë, por vitet e fundit ata ishin rikthyer për të jetuar në Tiranë, gjë që mesa duket ka sjellë probleme mes tyre.

Sipas “Panoramaplus”, Ethemi është larguar nga ndërtesa e përbashkët ku çifti jetonte, në një zonë rezidenciale të qytetit të Tiranës. Mësohet se gjithçka ka nisur për çështje ekonomike, pasi askush prej të dyve nuk merr shumën që dikur fitonin në fillimet e njohjes së tyre.

Miq pranë çiftit janë shprehur se për Invën, njohja me Ethemin, 11 vite më parë, ishte një histori princeshash, me pushime dimërore në kështjella e destinacione luksoze dhe pushime tremujore verore në jahtet e tij, ku Inva kishte të instaluar madje edhe pianon e saj.

Megjithëse çifti, i cili ka në vajzë, ka marrë një vendim përfundimtar për t’u divorcuar, Inva dhe Ethemi janë një ndër të paktët të cilët ruajnë miqësinë e respektin mes tyre edhe pas ndarjes. Madje, ata janë parë shpesh në shoqërinë e njëri-tjetrit këto kohë, megjithëse prej 2 muajsh po përflitej për ndarjen e tyre.

Shtuar më 15/07/2019, ora 14:27
Shkruani komentin tuaj!
Të fundit nga kjo kategori