Prifti: Hani bar që të jeni më pranë Zotit (FOTO LAJM)

Hani bar që të jeni më pranë Zotit! Ky ka qenë predikimi i një pastori afrikano-jugor që ka shtyrë dhjetëra ndjekës të tij të shtrohen “në kullotë”.

Gjatë një shërbese në selinë e tij në Garankuva, në veri të Pretorias, pastori i një sekti të krishterë, Lesego Daniel u kërkoi dhjetëra ndjekësve të tij që nën frymën e Zotit, se trupi i njeriut mund të funksionojë duke ngrënë gjithçka, të hanin bar, transmeton TCH.

Pa u menduar dy herë, ndjekësit e tij më të verbër u shtruan “në kullotë” për vaktin e radhës. Por, pak minuta pas ngrënies, thuajse të gjithë ata filluan të ndjejnë dhimbje të forta në stomak dhe nisën të nxjerrin atë që kishin ngrënë.

Rasti në fjalë ka shkaktuar debat në vendin afrikan. Mediat dhe politikanët kanë dënuar thirrjet e pastorit, ndërsa ky i fundit u përgjigj se “Zoti është në veprim dhe qengjat e tij po e vërtetojnë këtë”.
Shtuar më 05/10/2014, ora 11:11

Shkruani komentin tuaj!
Të fundit nga kjo kategori