Policia ka zbardhur detaje të reja për vrasjen e vrasjen e 19-vjeçarit në Elbasan. Altin Hazizi, banues në fshatin Guri i Zi të Elbasanit, është arrestuar si autori u dyshuar i vrasjes së djeshme së të riut gjatë paradites së sotme.

“Pas marrjes dijeni se në vendin e quajtur “Ara e Xhemës” shtetasi Gazment Sllami, 19-vjeç banues në fshatin Guri i Zi, është vrarë me armë gjahu, menjëherë në vendngjarje kanë mbërritur efektivat e policisë. Në vendngjarje grupi hetimor ka sekuestruar një gëzhojë arme gjahu dhe 5 telefona celulare”, bëjnë me dije burime zyrtare nga policia.

“Në vijim të veprimeve për zbardhjen e ngjarjes janë shoqëruar 20 shtetas si të dyshuar apo që kanë dijeni për ngjarjen.

Nga veprimet e kryera dyshohet se shtetasi Altin Hazizi, ta ketë vrarë nga pakujdesia pasi kishin dalë të dy për gjueti. Në bashkëpunim me Prokurorinë po vijon puna për sqarimin e plotë të rrethanave të ngjarjes”, njofton policia.