Po marshohet drejt perëndimit, mijëra forca dhe ky gjeneral rrezikojnë të derdhin lumenj gjaku (FOTO LAJM)

Libia rrezikon të përballet me një përplasje të madhe ushtarake mes dy fraksioneve pas rrëzimit të Gadafit në vitin 2011. Gjenerali Haftar, i mbështetur nga Egjipti dhe Emiratet e Bashkuara Arabe është duke shkuar me forcat e tij në drejtim të Perëndimit ku ndodhet qeveria e njohur nga Kombet e Bashkuara. Ata synojnë marrjen e Tripolit, rrjedhimisht edhe të të gjithë kontrollit të Libisë, e cila ka përjetuar një përplasje të dhunshme civile pas rrëzimit të Gadafit.

Perëndimi ka dyshime se Gjenerali është duke u mbështetur fshehurazi edhe nga Rusia, por sot një zëdhënës i qeverisë mohoi çdo lidhje duke thënë se ata janë duke mbajtur rol pasiv në këtë konflikt.

Khalifa Haftar ka një ushtri më vete dhe ka nën kontroll zona të Libisë lindore, ndërsa forcat shtetërore, njohur nga OKB janë në anën perëndimore. Policia në qytetet e Zaëiya dhe Misrata postuan mesazhe në rrjetet sociale, duke thënë se do të përballen me Haftar.

“Ne jemi të gatshëm të përballemi me Haftar”, deklaruan ata. Libia është ndarë në dy fraksione, që pas rënies nga pushteti të Muamar Gaddaf. OKB dhe shtetet e mëdha mbështesin qeverinë e kryeministrit aktual libian Fayez al-Sarraj. Mirëpo, kjo qeveri kontrollon vetëm Perëndimin dhe Tripolin, e jo lindjen.

Në një deklaratë të përbashkët të enjten, SHBA, Franca, Italia, Britania e Madhe dhe Emiratet e Bashkuara Arabe bënë thirrje për përmbajtje. Ata thanë se kërcënimet ushtarake mund të zhysin Libinë në kaos.

Që pas rënies nga pushteti të Gadafit më 2011, Libia ka hyrë në një fazë të dhunës dhe tensionit. Përpjekjet e njëpasnjëshme të udhëhequra nga OKB për të bashkuar institucionet kyçe të Libisë, duke përfshirë bankën qendrore dhe organet politike, kanë dështuar dhe instalimet e mëdha të naftës në vend janë mbajtur shpesh si shpërblim nga një sërë grupesh të milicisë.

Anas El Gomati, nga Instituti i Sadeq tha se Tripoli në ditët në vijim mund të shndërrohet në “arenë lufte”. Ai tha se Haftar duhet ndalur. Për situatën u deklarua edhe sekretari i OKB Antonio Gueterres, i cili bëri thirrje për vetëpërmbajtje.
Shtuar më 05/04/2019, ora 15:05
Shkruani komentin tuaj!
Të fundit nga kjo kategori