PD thirrje ndërkombëtarëve: Liria e medias në rrezik, ndërhyni! (FOTO LAJM)

Partia Demokratike iu ka kërkuar institucioneve ndërkombëtare të ndërhyjnë për t’iu ardhur në ndihmë mediave.

Ish-deputetja e PD Albana Vokshi ka dalë sot para mediave ku deklaroi se gjendja e lirisë së medias në Shqipëri javët e fundit është përkeqësuar dukshëm dhe ka numëruar rastet e fundit të gazetarëve të dhunuar.

Sipas saj, Rama i është sulur medias, sepse kërkon ta kontrollojë plotësisht atë apo të denigrojë çdo zë kritik, të zhdukë investigimet për korrupsionin, të blejë heshtjen e mediave për blerjen e votave nga pakti i tij me krimin.

Vokshi ka publikuar dhe letrën dërguar kreut të OSBE-së në Tiranë Bernd Boschardt dhe përfaqësuesit të OSBE për lirinë e medias Harlem Desir. /albeu.com/
Shtuar më 16/04/2019, ora 13:03

Shkruani komentin tuaj!
Të fundit nga kjo kategori