Ora Samsung Gear S me Opera Mini (FOTO LAJM)

Opera njoftoi se shfletuesi Opera Mini do të vijë edhe tek ora inteligjente Gear S e Samsung. Shfletuesi Opera Mini ka qenë në dispozicion në disa platforma të ndryshme duke vijuar nga celularët tek telefonat inteligjentë, dhe nga konsolat për lojëra e deri tek televizorët.

Së fundmi ky shfletues ka ardhur edhe tek platforma Windows Phone, dhe është gjithashtu në dispozicion edhe tek pajisjet Asha dhe Nokia X të Microsoft-it.

Tashmë, ky shfletues gjendet edhe tek Gear S, që është ora inteligjente e Samsung-ut me sistemin operativ Tizen. Shfletuesi Mini është përshtatur për orën inteligjente Gear S, për ta bërë më të lehtë shfletimin në internet nga ekrani i vogël i pajisjes.

Shfletuesi Opera kombinon saktësinë dhe kualitetin. Me integrimin e tij përdoruesit do të kenë mundësi të hyjnë dhe të eksplorojnë në internet pa kufi, dhe në një shpejtësi të lartë.

Përdoruesit e orës inteligjente Samsung Gear S mund të shkojnë tani tek dyqani virtual Galaxy Apps Store dhe të shkarkojnë falas shfletuesin Opera Mini. /albeu.com/
Shtuar më 08/10/2014, ora 17:30

Shkruani komentin tuaj!
Të fundit nga kjo kategori