Të paktën 52 persona kanë vdekur pas një shpërthimi në një minierë qymyri në Siberi.
Shpërthimi u shkaktua nga një rrjedhje gazi metani rreth 250 metra nën tokë.
Flakët dhe tymrat toksikë mbushën minierën Listvyazhnaya në rajonin e Kemerovës, duke detyruar ndalimin e kërkimeve për të mbijetuarit.
6 nga të vdekurit ishin shpëtimtarë dhe të gjithë 52 personat vdiqën nga helmimi me monoksid karboni.
Gjithsej 285 persona ndodheshin në minierë në momentin e shpërthimit dhe 239 minatorë u nxorën me sukses në sipërfaqe.
Shpërthimi i së enjtes ishte aksidenti më vdekjeprurës i miniserave në Rusi që nga viti 2010, kur dy shpërthime metani dhe një zjarr vranë 91 njerëz.
Një hetim penal për shpërthimin filloi dhe zyrtarët thonë se menaxheri i minierës, së bashku me dy drejtues të lartë, janë arrestuar.
Presidenti Vladimir Putin ka shprehur ngushëllimet e tij për familjet e viktimave dhe në rajon është shpallur tri ditë zie./albeu.com
