Juventusi dhe Roma janë ndarë në paqe në ndeshjen e tretë të këtij sezonit të Serie A.
“Zonja e Vjetër” ia doli të zhbllokojë rezultatin që në minutën e dytë falë një super goli të Vlahovic nga goditja e dënimit.
Pjesa e parë do të mbyllej pikërisht me avantazhin minimal të vendasve edhe pse rastet nuk do të mungonin për dy dyja skuadrat.
Në pjesën e dytë Roma arrin të barazojë falë dyshes Dybala- Abraham, me argjentinasin si asistues dhe anglezin shënues.
Pas golit të barazimit, Roma e Mourinhos do të mendonte më tepër për mbrojtjen e rezultatit se sa për të kërkuar golin e dytë dhe të fitores.
Në krahun tjetër Juventusi kërkoi më shumë fitoren, por nuk ia arriti deri në fund me skuadrat ndajnë nga një pikë, e cila duket se i shërben me shumë Romës./albeu.com
