Armando Dobra është padyshim një nga lojtarët më të talentuar të kombëtares së të rinjve tanë.
Sezonin e shkuar ai iu bashkua skuadrës angleze të Ipswich U23, e cila i siguroi një kontratë njëvjeçare.
Në fund Dobra bindi plotësisht dhe klubi nisi të punojë fort për të bindur të riun të firmosë kontratë afatgjatë.
Këtë sezon të ri Dobra i është bashkuar ekipit të parë dhe po tregon se e meriton plotësisht besimin e trajnerit.
Mbrëmjen e djeshme Ipswich ka luajtur ndeshjen e radhës në kampionat ndaj skuadrës së Gillingam.
Vendimtar Dobra në këtë sfidë, me 19-vjeçarin, që ka shënuar golin e parë të sfidës në mënyrë spektakolare.
Talenti i sulmit me origjinë nga Burreli ka shënuar një gol shumë të bukur nga jashtë zone në minutën e 57-të, duke lëshuar një goditje të paarritshme nga portieri në trekëndëshin e portës.
Ipswich arriti të shënojë edhe një tjetër gol dhe të fitojë këtë sfidë me shifrat 2-0.
Së fundmi Dobra u ftua nga Bushi në kombëtaren U21 për ndeshjet e shtatorit dhe ishte një nga më të mirët në fushë.