Oficerë policie të armatosur rëndë dhe të maskuar janë parë ditën e enjte në rrugët e Londrës për të siguruar mbarëvajtjen e vizitës së kryeministrit izraelit Benjamin Netanyahu në kryeqytetin britanik.

Bëhet fjalë pikërisht për njësinë e re speciale të antiterrorit të quajtur MET e cila është shumë pak e njohur për publikun pasi ajo i ka të specifikuara rastet se kur duhet të dalë në rrugë.

MET është një strukturë e re e policisë britanike e krijuar në vitin 2016 për të luftuar terrorizmin pas shtimit të sulmeve në disa vende të Evropës.

Oficerët e kësaj njësie qëndrojnë gjithmonë të maskuar për të fshehur identitetin e tyre nga sulmuesit dhe janë të pajisur me armatim të rëndë dhe uniformë speciale antiplumb.

Nuk dihet nëse ka pasur ndonjë kërcënim për vizitën e Netanyhut në Londër, por prania e trupave speciale të antiterrorit tërhoqi vëmendjen e publikut dhe medias.