"Mos u ngopshi, mendjen te leku!", Diana Ziu letër Grabockës pas lajmit se festivalin e fiton Elvana (FOTO LAJM)
Kompozitorja Diana Ziu dhe aktori Vangjel Toçe i kanë dërguar regjisores Vera Grabocka një letër publike, pasi u është refuzuar pjesmarrja në Festivalin e Këngës.

Këtë vit, Grabocka do të jetë regjisore e festivalit, ndërsa Zhani Çiko pjesë e jurisë për përzgjedhjen e këngëve pjesmarrëse.

Diana Ziu shprehet në letër se Zhani Ciko është një “violinist i dështuar” që për shumë vite ka prishur shumë punë te njerëzit që aq shumë e duan këngën:

“Po kush është akoma Zhani Ciko ne R.T.Sh.?? Një përkthyes në fest. e Sanremos, një folës në koncertet e Fund vitit që jep R.t.sh. (koncerti tradicional i Vienës) një drejtor apo violinist i dështuar (siç e njohin brezi jonë), pse patjetër duhet të jetë kryesori, kompetenti për këngën??? Boll më!!! Se për shumë vite ka prishur shumë punë te njerzit që aq shumë e duan këngën, ju ka thyer zemrën, me forcën e pushtetit jo me argumenta bindëse, për të thënë pse kompozitori të merrte pjesë apo jo!!”.

Më tej Ziu thekson gjithashtu se emrat e këngëtarëve fitues janë caktuar tashmë dhe se çmimin e parë do ta marrë Elvana Gjata:

“Thonë që është Elvana, por mos ma merrni për baze se thonë pastaj ku e dinte Diana. Goje të liga ndoshta, ose ndoshta gojë të vërteta. Kam dëgjuar dhe flitet shumë për korrupsion, kam parasysh qe për te mbuluar pazaret qe bëjnë, thërrasin nga bota jurinë e huaj, për të çuar “ndershmërisht ” në Eurosong këngën fituese. Edhe pse lista ka dale këngët janë renditur me kohë… Sigurisht, unë mendoj që dorën e ka vënë Vera dhe miqtë dhe servilat rreth saj… Mendoj që janë klane mes miqsh… Dhe kjo bën skifo…”.

Kompozitorja më pas flet për bashkëshortin e saj, aktorin Vangjel Toçe, i cili ka vuajtur shumë pasi e hoqën nga teatri:

“Vërtet kemi vuajtur shumë si familje dhe nuk është e lehte të të heqin nga profesioni, për shumë vite siç Vangjon e hoqën nga teatri, dhe shpirtin ja copëtuan, por edhe tani si duket kohërat nuk kane ndryshuar, te persekutuar atëherë, te persekutuar edhe tani. Njerëzit që drejtojnë, nuk kanë ndryshuar, fatkeqësisht”.
Shtuar më 30/10/2019, ora 13:53

Shkruani komentin tuaj!
Të fundit nga kjo kategori