Merimanga më e madhe në botë (FOTO LAJM)

Theraphosa Blondi ose siç njihet ndryshe Tarantula Goliath , është merimanga më e madhe në botë, sipas librit Guinnes. Një këmbë e saj mund të arrijë deri në 30 centimetra gjatësi.

Insekti është gjetur nga shkencëtari Piotr Naskrecki, i cili ka qenë duke ecur në një pyll në Guyana, tregon ndjesitë e tij kur është përballur me merimangën gjigande.

"Dëgjova fëshfërimat e një gjëje që ecte. Mund të dalloja qartë putrat që godisnin tokën e thatë. E drejtova pishtarin nga drejtimi ku vinte zhurma, duke pritur që të shikoja ndonjë gjitar të vogël, një mi, apo ndonjë brejtës. Në momentin e parë ishte ajo që unë mendoja se do të shihja, por isha gabuar", tregoi ai në blogun e tij.

Nuk është e vështirë të imagjinosh tronditjen kur përballesh me një merimangë kaq gjigande. Mashkulli është rreth 20 cm i gjatë, ndërsa femra 30 cm. Është e lehtë që të kuptosh zhurmën që bëjnë ato gjatë ecjes, për shkak të madhësisë trupore. Kthetrat e këmbëve të tyre prodhojnë një tingull të veçantë. /albeu.com/
Shtuar më 04/05/2016, ora 10:57
Shkruani komentin tuaj!
Të fundit nga kjo kategori