Marina Fara i shtohet listës, vajzat VIP që patën partnerë të lidhur me botën e krimit (FOTO LAJM)

Duket se fatkeqësisht në Shqipëri, vajzat shqiptare të njohura në ekran kanë lidhje me njerëz të botës së krimit. Sigurisht këtu nuk përfshihen të gjitha, por rastet kanë ndodhur dhe nuk duhen harruar.

Një tjetër vajzë është përfshirë në listën e vajzave të njohura të shoëbizit që kanë lidhje me botën e krimit.

Këtë herë ka qenë vajza e këngëtares Eli Fara, Marina Fara, emri i të cilës është lakuar sepse ka patur kontakte të shpeshta telefonike me një nga të arrestuarit e operacionit "Mezhgorani".

Kejvina Kthella

Policia e Shtetit ka vënë në pranga Redian Rrajën, nipin e deputetit të PS për atentatin ndaj prokurorit Arjan Ndoj.

Në polici u shoqërua edhe modeja Kejvina Kthella në lidhje me këtë atentat të ndodhur pak kohë më parë në Durrës.

Emri i modeles ka dal pas zbardhjes së përgjimeve të mesazheve dhe telefonatave me të arrestuarin, Redian Rraja.

Trejsi Sejdini, i dashuri i saj akuzohet për vrasjen e Santiago Malkos dhe policia e ka shpallur në kërkim. Ata kanë sekuestruar edhe makinën luksoze të Trejsit që ka qenë në pronësi të Leonard Dukës, makinë të cilën Treisi e mori dhuratë për ditëlindje.

Por Treisi nuk është as e para dhe as e fundit.

Edhe këngëtarja Elvana Gjata u përfshi vitin e kaluar në një ngjarje që u përfol shumë në vend. Bëhet fjalë për një vrasje që ndodhi në Ish-Bllok ku u përfshi i fejuari i Elvanës, Ervin Mataj. Ky i fundit nuk pranoi akuzë, por për nje kohë të gjatë u tha se shkaku i sherrit ishte këngëtarja.

Edhe moderatorja Viola Spiro është vënë në qendër të vëmendjes nga ana e mediave dhe opinionit public për shkak të arrestimit të ish te dashurit të saj në Itali. Prej kohësh moderatorja seksi Viola Spiro ishte në një lidhje me Valentin Selajn i cili akuzohet nga autoritetet italiane për trafikim të lëndëve narkotike. Në një shkrim të gazetës italiane La Nazione, thuhet se Valentin Selaj ishte “Zoti i drogës” dhe kreu i një bande mjaft të fuqishme ndërkombëtare që sillte kokainë nga Amerika në Firenze nëpërmjet Hollandës.

Një tjetër çift i cili është tepër i përfolur në media është këngëtarja Rezarta Shkurta dhe nipi i ish diktatorit Ermal Hoxha. Bashkëshorti i Rezarta Shkurtës, Ermal Hoxha aktualisht ka dale nga burgu. Ajo ka këmbëngulur disa herë në intervista publike se partneri i saj është i pafajshëm.

Gjtihashtu edhe Suada Sherifi u përfshi ne këtë mesele pasi bashkëshorti i saj, biznesmeni Eldi Dizdari thuhet se ishte gjithashtu pjesë e konfliktit në Ish-Bllok. Suada ka thënë publikisht se diçka e tillë nuk është e vertetë. /albeu.com/

Shtuar më 29/02/2020, ora 13:14

Shkruani komentin tuaj!
Të fundit nga kjo kategori