Mbushi dhomën me modele, si i bleu Berluskoni për 5 milion euro

Seanca e radhës e Procesit “Ruby” kundër ish-kryeministri Silvio Berlusconi gjatë të cilit janë bërë deklarime shokuese nga agjenti i personazheve të spektaklit Francesco Chiesa Soprani, është zhvilluar në Gjykatën e Minaos.

Siç përcjellin mediat italiane, agjenti i personazheve të spektaklit ka rrëfyer se sipas asaj çka vajzat i tregonin, ata kryenin raporte seksuale me radhë me Silvio Berlusconin në një dhomë të errët në rezidencën e tij në Arcore në Milano.

Vjazat i kanë rrëfyer se raporte seksuale me Berlusconi ka kryer dhe Ruby (Karima el-Mahroug), minorene në atë kohë. Githashtu ai ka deklaruar se vajzat paguheshin për të gënjyer në procesin gjyqësore për të mos treguar të vërtetën e festave e raporteve seksuale me ish-kryeministrin,

Agjenti i vipave Francesco Chiesa Soprani ka përcjellë konfidencat e modeleve që punonin me të e të përfshira në këtë proces Maryshell Polanco e Imane Fadil e cila ndërroj jetë pak kohë më parë nga një sëmundje e rallë, e me dyshimet mediatike se ndoshta është helmuar.

Sipas rrëfimit të vajzave ato paguheshin çdo muaj për të heshtur gjatë seancave gjyqësore si dhe merrnin dhurata shtëpi apo favore të tjera ekonomike e pjesëmarrje në programe televizive në Mediaset.

Para trupit gjykues Francesco Chiesa Soprani ka rrëfyer se një nga vajzat Silvia Trevaini i ka treguar se ka marrë nga Silvio Berlsconi 1.8 milionë euro për të heshtur e Nicole Minetti është paguar nga ai me 5 milionë euro, një shtëpi si dhe 2500 euro çdo muaj.

Dëshmia e agjentit të vipave rëndon akuzat ndaj lideri të Forza Italia e të 28 personave të tjerë të vënë nën hetim nga procesi Roby me akuzën e deklaratave falso, abuzime seksual dhe me minorenë, abuzim detyre, etj..


Shtuar 15.01.2020 11:34