Kujtimet e ish-ambasadorit amerikan në Jugosllavi: Surroi ishte kundër Pavarësisë (FOTO LAJM)

Nga deklarata e ambasadorit te fundit të SHBA-ve në Jugosllavi, Warren Zimmermann
Në vitet '90, publicisti Veton Surroi as që e mendonte pavarësinë e Kosovës. Ai më shumë ishte angazhuar për rikthimin e një autonomie brenda Jugosllavisë.

Qëndrimin e Surroit kundër pavarësisë së Kosovës e kishte dokumentuar edhe ambasadori i fundit i SHBA-venë Jugosllavi, Warren Zimmermann, në librin e tij "Origjina e një katastrofe", transmeton Portali Republika.

Më 25 shkurt 1990, zëvendëssekretari Eagleburger kishte shkuar për një vizitë dyditore në Jugosllavi. Ambasadori amerikan kujton se në takimin me Eagleburgerin, grupi nga Kosova ishte impresiv dhe i artikuluar.

Sipas tij, Ibrahim Rugova, udhëheqësi i shqiptarëve të Kosovës, për të dalë nga kontrolli i Serbisë favorizonte dialogun me qeverinë federale.

librin e tij, ambasadori amerikan kujton edhe fjalët e Surroit në këtë takim.

"Veton Surroi, një shqiptar i ri me një anglishte perfekt, tha që populli i Kosovës nuk pranon regjimin e Serbisë, por po ashtu ata nuk dëshirojnë pavarësi", kujton Zimmermann në librin e tij, percjell Republika.

Por, diskursi i Surroit ndryshoj në mënyre fondamentale. Pas luftës, ai u bë pjesë e proceseve të një ideje në të cilën asnjëherë nuk kishte besuar, në procesin e pavarësimit të Kosovës.

Si anëtar i Grupit të Unitetit, bashkë me pjesëtarët tjerë Surroi u bë armiku më i madh i Lëvizjes Vetëvendosje, e udhëhequr në atë kohë nga Albin Kurti. Por, edhe ky qëndrim i tij ndryshojë shumë shpejt. Sot Surroi llogaritet që ka një influencë shumë të madhe në radikalizmin e opozitës, sidomos të Vetëvendosjes. /albeu.com/

Shtuar më 29/02/2016, ora 11:15

Shkruani komentin tuaj!
Të fundit nga kjo kategori