Kotzias: Shqiptarët janë nacionalistë, pse nuk ia japin shtetësinë Janullatosit? (FOTO)

Ministri i Jashtëm grek, Nikos Kotzias ka vijuar gjuhën agresive që e karakterizon në këtë periudhë ndaj Shqipërisë dhe kryeministrit Rama.

I pranishëm në konference të Lëvizjes së Ideve dhe Praktikave, të cilën e drejton, Kotzias i kërkon Shqipërisë që të ulë tonet nacionaliste sipas tij dhe të respektojë traktatet ndërkombëtare.

Kotzias riktheu debatin mbi shtetësinë e Krypeshkopit të Kishës Ortodokse Autoqefale të Shqipërisë, Anastas Janullatosit.

“Kemi vënë re shfaqjen e një nacionalizmi të fuqishëm nga ana e një pakice të elitës politike në Shqipëri. Edhe kundërshtimi i tyre për t’i dhënë nënshtetësinë shqiptare kryepeshkopit Anastas është një tregues i këtij nacionalizmi”., - deklaroi ai.

Kohët e fundit vërehet një shtim i gjuhës së ashpër të qeveritarëve grekë ndaj Shqipërisë, të cilët në jo pak raste kanë kërcënuar me mos dhënien e dakordësisë për fillimin e negociatave të Shqipërisë dhe KE-së. /Albeu.com/
Shtuar më 24/11/2016, ora 20:12

Shkruani komentin tuaj!
Të fundit nga kjo kategori