Një pasagjer i dehur në avionin e nisur nga Islanda drejt New York-ut u lidh me nastro në sediljen e tij nga një pasagjer, pasi sulmoi një grua, pështyu mbi të tjerët dhe bërtiti me forcë se avioni do të rrëzohej.

Një prej pasagjerëve, Andy Ellwood fotografoi të dehurin pasi u lidh dhe shpërndau fotografinë në llogarinë e tij në Tumblr. Ai shoqëroi fotografinë me sqarimin "pasagjeri kishte pirë gjithë pijen e blerë në një duty-free para se të hipte në avion. "46- vjeçari islandez, emri i të cilit nuk është bërë i ditur, u arrestua nga policia sapo zbriti në aeroportin JFK në New York. /albeu.com/