Dojna Mema e nisi karrierën e saj në radio, por shumë shpejt bëri kalimin thuajse të pashmangshëm në televizion. Që prej 2013-s, Dojna ka moderuar në My Music, Top Fest, Pop Culture, The Voice Kids etj. Pra, e di çfarë flet.

Një fans i kërkoi një mesazh për të gjithë ata që duan t’i futen televizionit, siç kuptohet nga titulli. Dojna ofroi tre këshilla, por vetëm njëra ka të bëjë me fazën para çarjes në televizion. Dy të tjerat shërbejnë për të zënë mend nga ata që gabuan të parët.

1. Bëje për sa kohë të lumturon.
2. Mos rri në punë pasi mbaron.
3. Kujtohu gjithmonë se jeta jote nuk fillon dhe mbaron në ekran.

Në fakt, të treja këto këshilla duhen ndjekur për çfarëdolloj pune që bëjmë dhe që mund të na konsumojë jetën.