Kokainë e fshehur mes bananeve, sekuestrohen mbi 6.5 ton lëndë narkotike në Spanjë

Autoritetet spanjolle njoftojnë se kanë sekuestruar mbi 6.5 ton kokainë, që do të futeshin në Spanjë përmes portit të Algericas, në ngushticën e Gjibraldarit.

Mediet spanjolle bëjnë me dije se kokaina ishte fshehur në kuti kartoni me banane. Si pasojë e operacionit policor, autoritetet spanjolle kanë arrestuar 13 persona.

Ngarkesa me kokainë ishte nisur nga Amerika e Jugut.

Policia po punon për zbardhjen e plotë te rrjetit të trafikantëve të drogës.

Lidhjet e Spanjës me Amerikën Latine, prej nga vjen pjesa më e madhe e kokainës së trafikuar në shkallë globale, e kanë kthyer vendin iberik në një nga portat kryesore të drogës në Evropë./albeu.com/


Shtuar 30.06.2023 11:54

Tags: ,