Ja makina ku u gjet i djegur ambasadori grek (FOTO & VIDEO LAJM)

Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Rreth kësaj teme:

Një trup i pajetë është gjetur mbrëmjen e së enjtes në Rio De Xhaniero, ndërsa dyshohet se i përket ambasadorit grek, i cili rezulton i zhdukur tre ditë më parë.

Makina e marrë me qira u gjet e djegur poshtë një mbikalimi në afërsi të Rios.

Mediat vendase bëjnë me dije se makina e gjetur e djegur është e ngjashme me atë të marrë me qira nga ana e ambasadorit Kyriakos Amiridis, i zhdukur që prej natës së të hënës.

Trupi është dërguar në Institutin e Mjekësisë Ligjore të qytetit pranë Rios, Nova Iguacu në Brazil. Sipas policisë, Amirisi kishte marrë pushimet dhe synonte të shkonte në Nova Iguacu Center, ndërsa gruaja e tij raportoi zhdukjen e ambasadorit të mërkurën.

Zona njihet për kriminalitet të lartë, por ende nuk dihen arsyet e vrasjes së tij.

Nëse do të ishte marrë peng sipas zyrtarëve të policisë, pengmarrësit do të kishin kërkuar para, gjë që nuk ka ndodhur. /albeu.com/

Shtuar më 30/12/2016, ora 10:50
Shkruani komentin tuaj!
Të fundit nga kjo kategori