Krasniqi shpall fitoren e PDK-së: Fituam 5 komuna pa balotazh, 7 të tjera do i fitojmë në raundin e dytë

Kryetari i Partisë Demokratike të Kosovës, Memli Krasniqi shpalli fitoren e PDK-së në zgjedhjet lokale të ditës së sotme.

Kimenteti ai i bëri në një konferencë për media tha se PDK-ja në këto zgjedhje lokale, ka shënuar rezultat, sipas tij, të jashtëzakonshëm anembanë Kosovës.

Krasniqi tha se sot, qytetarët u bashkuan, për të mbajtur e rikthyer qeverisjet e mira nëpër komunat e Kosovës, me Partinë Demokratike të Kosovës.

Tutje, i pari i PDK-së tha se ka fituar pesë komuna pa balotazh, ndërkohë që në rundin e dytë të zgjedhjeve tha se do t’i fitojë edhe shtatë komuna të tjera.

“Partia Demokratike e Kosovës është partia e lirisë, shtetformimit dhe shtetndërtimit. Ajo ka qenë e fortë, mbetet e fortë dhe do të bëhet edhe më e fortë. Qytetarët treguan sot se sa më e fortë që të jetë Partia Demokratike e Kosovës, aq më i sigurt e më i zhvilluar është edhe shteti i Kosovës. Bazuar në të dhënat tona nga terreni dhe rezultatet e deritashme të KQZ-së, PDK ka fituar pa balotazh në Mitrovicë, Ferizaj, Skënderaj, Kacanik dhe në Han të Elezit. Ndërkaq, ne jemi në balotazh dhe me besimin e qytetarëve me 14 nëntor do ta fitojmë Prizrenin, Drenasin, Vushtrrinë, Shtimen, Dragashin, Malishevën, Klinën dhe jemi në pritje të rezultateve edhe në Fushë Kosovë. Qytetarët e vendlindjeve të Hashim Thacit e Kadri Veselit, sonte dëshmuan sërish mbështetjen e madhe për themeluesit e UCK-së, PDK-së dhe Shtetit të Kosovës”, tha ai./albeu.com


Shtuar 17.10.2021 23:09