Një përplasje me armë zjarri ka ndodhur ditën e sotme në Gjermani ku deri më tani raportohet të ketë 6 viktima.
Ngjarja e rëndë ka ndodhur në qytetin gjerman të “Rot am See”.
Sipas mediave të huaja, të shtënat u regjistruan në një ndërtesë pranë një stacioni hekurudhor.
Policia tha se sipas të dhënave të para, dyshohet se ka një lidhje midis të dyshuarit dhe viktimave. Nuk dihet ende identiteti i agresorit.
Mendohet se ngjarja ka ndodhur për motive personale. Tabloidi Bild raportoi se sulmuesi ishte një burrë rreth të 30-tave, ndërsa viktimat ishin anëtarë të familjes së tij.