EMRI/ Vidhte biçikletat e qytetarëve, arrestohet 40-vjeçari në Durrës

Një 40 vjeçar është arrestuar në Durrës pas disa denoncimeve të qytetarëve për vjedhje të biçikletave të tyre.

Nga veprimet hetimore dyshohet se 40-vjeçari Kristo Myftari, gjatë muajit shtator 2023, ka vjedhur në lagjet nr. 4, nr. 5 dhe nr. 17, biçikletat e 4 shtetasve të ndryshëm.

Me cilësinë e provës materiale u sekuestruan 2 biçikleta të vjedhura.

Vijojnë veprimet hetimore për zbardhjen e vjedhjeve të tjera që mund të ketë kryer shtetasi K. M.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

 


Shtuar 17.09.2023 10:25