Hoqi dorë papritur nga muzika, zbulohet çfarë e shtyu reperin shqiptar drejt këtij vendimi

Reperi i hiteve “S’kam kohë”, “Qa bone” etj, Azet, duket se është lodhur nga rrugëtimi i tij në muzikë.

Në llogarinë e tij në Instagram, reperi shqiptar i cili jeton në Gjermani, pak javë më parë dha një lajm që me siguri i ka mërzitur pak fansat e tij.

Ai njoftoi se ka vendosur të marrë një pushim nga muzika dhe nga rrjetet sociale, pasi dëshiron t’i përkushtohet më shumë familjes së tij.

“Unë bëj atë që duhet bërë për familjen. Unë kam bërë 10 vjet burg për familjen. Në atë kohë ne u bëmë të njohur në Gjermani. 15 vjet më parë, e takova Nash për herë të parë dhe filluam të krijonim muzikë së bashku, në bodrumin e tij për shkak të krizave. Në një moment erdhën vëllezërit e mi Zuna dhe Miami dhe që nga atëherë në jetuam për muzikën. Unë jam tepër krenar për vëllezërit e mi për çfarë kanë bërë për mua deri tani. Miami, Zuna dhe Nash, një bandë, një familje.

Vendosëm të sjellim diçka. Kjo është arsyeja pse unë do të lëshoj një EP sonte, që do të jetë në dispozicion në të gjitha platformat por edhe falas për ju.

Në dhjetor, në rrjetet sociale do të pushoj pak. Do të bëj pak pushim. Do të kthehem me patjetër por nuk e di akoma kur. Vitet e fundit kanë ndodhur shumë gjëra në familjen time, për të cilën tani duhet të kujdesem. Jo si një Azet por si një Granit.

Qoftë në Instagram apo turne, ju jeni gjithmonë në fillim dhe ne ju jemi mirënjohës për këtë”.- shkruante AzetInstagram.

Por përse e mori këtë vendim kaq të shpejtë?

Burime për “Prive.al” bëjnë me dije se humbja e të atit e detyroi Azet të shkojë drejt këtij vendimi.

Si fëmija më i madh në familje ai është i detyruar t’u qëndrojë sa më pranë njerëzve të tij të afërt.
Shtuar më 09/11/2019, ora 12:31
Shkruani komentin tuaj!
Të fundit nga kjo kategori