Gruaja kërcënon me hedhje nga pallati, i vëllai: Kështu na mashtroi ndërtuesi

Gruaja 37-vjeçare Enkelejda Ahmetaj ndodhet ende në katin e nëntë të pallatit në Tiranën e Re duke kërcënuar se do të hidhet pasi pretendon se është mashtruar nga ndërtuesi, i cili u ka dhënë përqindjen sipas kontratës së bërë me ta, si pronarë të tokës.

Ndërkohë, vëllai i saj, Ardi Ahmetaj shpjegon se ata kanë bërë një kontratë me një kompani ndërtimi në vitin 2007, por në fund ndërtuesi nuk u ka dhënë përqindjen ashtu siç kishin rënë dakord.

"Pasi bëmë kontratën dhe përfundoi ndërtimi, pronari i firmës na tha që prona doli me disa pronarë dhe nuk na ka dhënë përqindjen e objektit siç ram dakord. Nuk kemi marrë asnjë centimetër hapësirë. Kemi bërë disa gjyqe por sërish nuk është ndërhyrë. Ka vendim gjykate për prishjen e kësaj ndërtese dhe rikthimin e pronës tek ne siç ishte, por nuk është bërë asgjë"., - shprehet ai./Albeu.com/
Shtuar më 01/02/2017, ora 10:19

Shkruani komentin tuaj!
Të fundit nga kjo kategori