Duke nisur nga sot në mesnatë në Maqedoninë e Veriut përfundojnë masat qeveritare antikrizë dhe hyjnë në fuqi çmimet e reja.
Sipas mediave vendase, për shkak të kthimit të TVSH-së nga 10 në 18 për qind dhe ndryshimit të akcizës benzina dhe nafta pritet të shtrenjtohen nga 9 deri në 10 denarë.
Përveç rritjes së çmimit të shumë prodhimeve ushqimore bazë, shtrenjtim do të ketë edhe te derivatet e naftës. Nga nesër prodhimet ushqimore do të shiten gjithashtu me TVSH, ndërsa rritje të çmimit do të ketë te vaji, mielli, orizi, vezët, prodhimet e qumështit dhe prodhimet e mishit.
“Duke pasur parasysh se sonte në mesnatë skadon kohëzgjatja e uljes së akcizës dhe tatimit mbi vlerën e shtuar për derivatet përkatëse të naftës, Komisioni Rregullativ për Energji ka miratuar vendim me të cilin rriten çmimet me pakicë të derivative të naftës me një mesatare prej 7.96%, nga mesnata”, thuhet në njoftimin e KRRE-së.
Këto janë çmimet e reja:
Benzin EUROSUPER BS – 95 104.00 (dena/litër)
Benzin EUROSUPER BS – 98 106,50 (dena/litër)
Dizel EURODIESEL BS (DE V) 95.00 (denarë / litër)
Vaj për djegie (EL-1) 93.00 (den/litër)/albeu.com
