Rrugët e qytetit të boshatisura, kryebashkiaku shpërthen në lot (VIDEO)

Kryebashkiaku i Barit, Antonio Decaro u përlot gjatë një video-transmetimi të drejtpërdrejtë nëpër rrjetet sociale, ku shfaqej duke shëtitur në rrugët e boshatisura të qytetit që drejton dhe prezantonte masat e marra kundër koronavirusit.

“Në këto vite kemi bërë shumë sakrifica në mënyrë që të gjallërojmë këtë qytet, që të tërheqim shumë turistë…Jam i sigurtë që do t’ia dalim mbanë. Duhet të kemi besim.

Tani është koha që të respektojmë rregullat e vendosura e që na vijnë nga kabina e regjisë (Qeveria), sepse sa më shumë të respektojmë rregullat, aq më shpejt do të vendosim me shpatulla për muri këtë situatë emergjence”, deklaroi ai ndër të tjera.

Decaro prezantoi përmes videos në fjalë qytetin e boshatisur, me lokalet dhe dyqanet që kanë respektuar orën 18:00 për t’u mbyllur, ndërsa në rrugë ndjehen edhe sirenat e policisë vendore që janë vënë në qarkullim për të mbikëqyrur zbatimin e masave të kufizimit të lëvizjes.


Shtuar 11.03.2020 10:31