Florjan Binaj i revoltuar: Emri i lumit Vjosa shkruhet greqisht në hartë (FOTO LAJM)

Florjan Binaj herë pas here ka ngritur zërin për çështje mjaft shqetësuese që lidhen drejtpërdrejt me vendin tonë. Së fundmi aktori i humorit ka publikuar disa foto nga “Google Maps”, në të cilat duket se emri i lumit Vjosa nuk është i shkruar në gjuhën shqipe, por sipas emërtimeve greke.

Florjani e ka vënë re këtë gjë dhe ai ka treguar madje se emri ka qenë ndryshe para disa mujash dhe është ndërruar këto kohë.

Google vazhdon t’i ndërrojë emrin Vjosës… Para disa muajsh ishte Aoos, sot në Google Maps del Sarandaporo”, ka shkruar aktori.

Binaj ka përmendur në postime edhe ministrin për Evropën dhe Punët e Jashtme, Gent Cakaj, duke qenë se kjo çështje ka lidhje direkte me marrëdhëniet me fqinjët tanë.

I njëjti problem u ngrit edhe pak kohë më parë, sepse emri i Kosovës nuk shfaqej në hartën e “Apple”. Përveçse qytetet ishin të shkruar serbisht, as kufiri me fqinjët nuk ishte i cakuar qartë dhe dukej sikur Kosova ishte pjesë e Serbisë. Për këtë arsye mijëra qytetarë nënshkruan një peticion online, që u mbështet dhe nga personazhet me famë ndërkombëtare si Dua Lipa, Rita Ora etj dhe më pas gjithçka u vendos në vendin e vet, emri i Kosovës u shkrua në hartë e territoret u ndanë qartësisht.
Shtuar më 20/10/2020, ora 08:43

Shkruani komentin tuaj!
Të fundit nga kjo kategori