Protestuesit palestinezë u përleshën sot me ushtarët izraelitë në Jeruzalem, Ramallah dhe vende të tjera në Bregun Perëndimor dhe Rripin e Gazës, një ditë pasi Presidenti Trump njoftoi se administrata e tij do ta njohë Jeruzalemin si kryeqytetin e Izraelit.

Autoritetet palestineze bënë thirrje për një grevë të përgjithshme në qytetet palestineze, përcjell albeu.com.

Në Gaza, lëvizja islamike Hamas i nxiti ithtarët e saj të ndezin kryengritje, kundër Izraelit. Dyqanet në qytetin e vjetër të Jerusalemit u mbyllën.

Në buzë të qytetit palestinez të Ramallahut, forcat izraelite gjuajtuën gaz lotsjellës dhe plumba gome.

Kryeministrja britanike Theresa May me shpejtësi nuk ra dakort me vendimin e Trump, duke thënë në një deklaratë se fati i Jerusalemit duhet të vendoset si një zgjidhje e negociuar midis izraelitëve dhe palestinezëve dhe Jeruzalemi duhet përfundimisht të jetë kryeqyteti i përbashkët i shteteve izraelite dhe palestineze. "

"Ne e konsiderojmë Jerusalemin Lindor si pjesë të territoreve të okupuara palestineze," tha May. /albeu.com/