Policia vonoi dokumentet për prerjen e fletë arrestit, Gjykata e Tiranës lë të lirë të riun që grabiti me armë në Tiranë

Gjykata e Tiranës ka liruar nga qelia një të arrestuar për grabitje me armë.

Bëhet fjalë për Elvis Sejdon të riun qe u vetëdorëzuar në Policinë e Tiranës për një grabitje të kryer në gusht të këtij viti dhe më pas u la i lirë , pasi kërkesa për caktimin e masës së sigurisë ishte bërë jashtë afatit 72 orësh që e ka të përcaktuar Kodi i Procedurës Penale.

Prokuroria kërkoi në seancën e caktimin të masës kërkoi atë të “arrest me burg” , por u kundërshtua nga avokati qe i kërkoi  gjykatës lirimin, që u pranua. Sipas akuzës, dokumentacionet për prerjen e fletës së arrestit për Sejdon u sollën me vonesë nga Policia e Tiranës dhe për këtë arsye afatet kanë kaluar.

Elvis Sejdo, tashmë i liruar nga akuzat, ishte shpallur në kërkim përmes operacionit “Escape” pasi ishte bashkëpunëtor në grabitje në afërsi të qendrës “Kristal” në Tiranë.

Në atë kohë, Kevin Zekës i grabitën me armë 1450 euro dhe biçikletën, ndërsa përfunduan në pranga Sebastjan Ogiçi, Ruzhdi Thoma dhe Marjus Fejzulla, ndërsa në kërkim u shpall Elvis Sejdo.


Shtuar 15.10.2022 12:35