Pasditen e sotme një person është vrarë me thikë në fshatin Gështenjas në Pogradec.
Shtetasi Fatimir Manellari, 63-vjeç goditi me mjet prerës shtetasin Safet Hyskollari 65-vjeç, i cili transportua në spitalin Rajonal te Pogradecit, por nuk arriti do t’i mbijetonte plagëve.
Konflikti mësohet se ka nisur për një gardh, ndersa autori dhe viktima ishin komshinj.
Njoftimi i policisë:
Më datë 07.09.2022, rreth orës 17:50, në fshatin Gështenjas, Pogradec, gjatë një konflikti, shtetasi F. M., 63 vjeç, dyshohet se ka plagosur me mjet prerës (thikë) shtetasin S. H., rreth 65 vjeç, i cili u transportua në Spitalin e Pogradecit, ku si pasojë e plagëve të marra ka ndërruar jetë.
Nga ana e Policisë, po bëhet krehja e zonës me qëllim kapjen e autorit dhe vënien e tij para përgjegjësisë ligjore.
Grupi hetimor po punon për sqarimin e plotë të rrethanave të ngjarjes./albeu.com
