Delegacionet ruse dhe ukrainase në Organizatën për Siguri dhe Bashkëpunim në Evropë (OSBE) do të takohen në Vjenë të martën për të diskutuar mbi ngritjen e trupave të Moskës pranë kufirit ukrainas, është njoftuar.
Ukraina dhe disa shtete të tjera baltike kërkuan që samiti të diskutonte “veprimtarinë e pazakontë ushtarake” në Bjellorusi pasi Rusia nuk iu përgjigj një kërkese zyrtare për informacion rreth ngritjes së saj ushtarake të dielën.
Dokumenti i Vjenës i vitit 1990 kërkon që 57 anëtarët e OSBE-së të ndajnë informacione për forcat e tyre ushtarake dhe të njoftojnë njëri-tjetrin përpara çdo aktiviteti të madh ose operacion stërvitor.
Njoftimi vjen pas raportimeve të sotme se një zyrtar i lartë rus i kishte thënë agjencisë së lajmeve RIA të vendit se Moska kishte refuzuar një kërkesë për të marrë pjesë në një takim të kërkuar nga Ukraina.
Konstantin Gavrilov, kreu i misionit rus në organizatë, tha më herët se diplomatët e Moskës nuk do të merrnin pjesë në takimin e planifikuar për të hënën pasdite.
Dmitry Peskov, një zëdhënës i presidentit rus Vladimir Putin, nuk komentoi drejtpërdrejt kërkesën, por u tha gazetarëve “Dëshiroj të theksoj edhe një herë se ne po flasim për lëvizjen e trupave ruse në territorin rus”./albeu.com
