Shumë njerëz zgjohen të lodhur, pa durim dhe me humorin më të keq në botë. Ka një zgjidhje për të mos shpërthyer nga nervat dhe për të qenë produktiv në të njëjtën kohë. Ajo ka nevojë për një rutinë, por jep rezultate dhe e bën më të mirë zgjimin në mëngjes.
1. Zgjohuni herët
Meqenëse do të zgjoheni për punë, pse rrini shtrirë dhe rrotulloheni në shtrat? Nuk është vetëm se do të keni kohë për t’u përgatitur në paqe. Zgjimi në një orë të mirë ju ndihmon të përqendroheni në gjërat që duhet të bëni gjatë ditës, edhe nëse nuk e kuptoni. Ndihmon në organizimin dhe reduktimin e stresit, duke i dhënë trupit tuaj kohën e nevojshme për të hyrë pa probleme në kërkesat e ditës.
2. Ushtrohuni
Më e mira, me të vërtetë, është të lodhesh pak duke vrapuar. Por për shkak se ne e kuptojmë se koha është para në ritmet e sotme, sigurohuni që të vendosni një program për të bërë gjithçka. Ushtrimi në mëngjes, përveçse ngre humorin, rrit ritmet e metabolizmit tonë, duke na lejuar të djegim më shumë kalori gjatë ditës. Nuk e quani aspak të keqe, apo jo?
3. Dush i ftohtë
Po, duket sikur është barbare, por një dush i ftohtë (ndonëse i freskët) është një goditje e mirë në mëngjes për trupin tuaj. Ai forcon imunitetin tuaj, intensifikon qartësinë e trurit, ndërsa shkencëtarët raportojnë se luan një rol të madh edhe në luftën kundër depresionit.
4. Muzikë në shtëpi
Radioja mund të jetë e ndezur gjatë gjithë kohës në makinë, por luan një rol të madh në fillimin e ditës me muzikë. Së pari, ndihmon trupin tuaj të çlirojë dopaminën – substanca që na bën të ndihemi mirë. Pra, sapo të hapni sytë, jepini një shans muzikës që keni zgjedhur, pasi kërkimet kanë treguar se ajo lufton edhe stresin kronik. Çfarëdo që ta gjeni duke dëgjuar, kjo do t’ju bëjë vetëm mirë. /albeu.com
