Ditën e tërmetit me buzë të kuqe, shpjegohet Roza Lati (FOTO LAJM)

Roza Lati ishte një ka personat që u bashkua me njerëzit në nevojë pas tërmetit duke i ofruar ndihmë. E ftuar në emisionin “Ditë e Re” në RTV Ora, moderatorja ka treguar se pavarësisht situatës, në të mirë dhe në të keq ajo është mësuar që të kujdeset për veten dhe pamjen e saj të jashtme, njësoj siç ka ndodhur edhe atë ditë.

Para se të dilte nga makina ajo bëri make up. Moderatorja u masakrua dhe u komentua shumë për këtë gjest.

E pyetur nga Kelvi se si qëndronte e vërteta dhe çfarë komentesh ka marrë, Roza u shpreh se këtë gjë e ka në kulturën e saj.

“Unë u nisa pa buzët e lyera. Por unë e kam gjithmonë një të kuq buzësh në çantë sepse edhe në një moment kur jam e palyer, një të kuq buzësh të tregon mirë. Kur ra tërmeti i parë në shtator unë kam qenë duke bërë gjumin e drekës. U trondita, isha në shtëpi dhe kur dola kam lyer buzët e kuqe.

Nga ai tërmeti i fortë ra edhe një tjetër dhe mami më mori me ‘Facetime’ dhe ishim të dyja duke lyer buzët. Unë jam rritur më këtë kulturë që edhe në ditën tënde më të keqe ti duhet të dukesh mirë. Nuk kam qejf fare që në fytyrën time të shfaqet tmerri, nuk kam qejf ta përcjell fare këtë gjë. Kështu që e kam këtë kulturë që të jem në formë.

Plus që ne jemi figura të ekranit dhe na shohin më një sy tjetër. Na është indoktrinuar në tru për vite dhe vite kjo gjë saqë na është bërë instik dhe të kuqin e buzëve e mbaj gjithmonë në makinë. Siç ishim me ato thasët e ndihmave hapa pasqyrën dhe u lyeva shpejt e shpejt”, është shprehur Roza.

Shtuar më 03/12/2019, ora 14:03

Shkruani komentin tuaj!
Të fundit nga kjo kategori