"Dasmë" në Kuvendin e Shqipërisë (FOTO-LAJM)

Diçka jo e zakoshme ka ndodhur në Kuvendin e Shqipërisë sot ku deputetët e Partisë Demokratike në shenjë proteste por edhe ironie hodhën në Kuvend kartmonedha false me fytyrën e Ramës, duke e kthyer Kuvendin në një ambient "dasme" ku ata që "kërcenin" hidhnin para.

Reagimi i deputetëve demokratë erdhi pas transmetimit në televizion Top Channel të pamjeve që tregojnë shpërndarjen e 20 mijë lekëshave për studentët korçarë gjatë zgjedhjeve të zhvilluara pak ditë më parë në Korçë.


“Këtë e bëjnë pasi nuk ka mbetur shqiptar kur ka parë se u blenë votën korcarëve me paratë e vjedhura. Ajo ishte një skemë e organizuar deri në detaje që dilte se kishte funksionuar me të njëjtën mënyrë edhe në zgjedhjet e 23 qershorit, më e rëndë arroganca me të cilën ekzekutohej kjo skemë. Me këtë projektligj ju hiqni deputetëve nga një litër naftë, sa vota janë 1 mln dollarë, zbarkoi gjithë qeveria para zgjedhjeve dhe kaq para sa do kursejë kjo me këtë projektligji harxhuat për të vënë në presion qytetarëve, 2 mijë lekëshin, ose kërbacin, futjen në rreth të kuq dhe nesër mund të të shkatërrohej biznesi”- tha ai. /albeu.com/
Shtuar më 07/11/2013, ora 16:10

Shkruani komentin tuaj!
Të fundit nga kjo kategori