Policia në Korçë ka arrestuar një 20-vjeçar, i cili vidhte biznese së bashku me dy shokët e tij. Të tre kanë vjedhur 3 biznese private, ngjarje të ndodhura më datat 07, 12 dhe 13 janar 2022, ku janë marrë sasi lekësh, produkte ushqimore dhe veshje të ndryshme.
Njoftimi i policisë:
DVP Korçë
Shërbimet e Komisariatit të Policisë Pogradec, bënë kapjen e shtetasit S. Sh., 20 vjeç, banues në Pogradec, i shpallur në kërkim nga Komisariati i Policisë Korçë, për veprën penale “Vjedhja”, e kryer në bashkëpunim më shumë se 1 herë. Ky shtetas dyshohet si bashkëpunëtor me shtetasin E. S., 19 vjeç, banues në Pogradec dhe një 14-vjeçar (të arrestuar/proceduar më datë 14.01.2022), në vjedhjen në tri biznese private, ngjarje të ndodhura më datat 07, 12 dhe 13 janar 2022, në qytetin e Korçës, ku janë marrë sasi lekësh, produkte ushqimore dhe veshje të ndryshme.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
