Çfarë po ndodh në Gjykatën e Krimeve të Rënda, holli mbushet plot (FOTO LAJM)

Gjykata e Krimeve të Rënda ka qenë ‘e rrethuar’ sot që në mëngjes herët nga gazetarë dhe operatorë që vijojnë të jenë në pritje të vendimit për ish-ministrin e Brendshëm, Saimir Tahiri. Vetë Tahiri u paraqit në Gjykatë përpara se ora të shënonte 09:00.

Siç shihet edhe nga këto foto, holli kryesor i Gjykatës është i mbushur me gazetarë dhe operatorë që vijojnë të jenë në pritje të vendimit. Por aty ndodhen edhe përfaqësues të Ambasadës së SHBA-së, të cilët e kanë ndjekur nga afër këtë proces.

Trupi gjykues është mbyllur në dhomën e këshillimit dhe sipas gazetares Anila Hoxha, askush nuk mund të marrë informacion se çfarë po ndodh aty brenda.

Ndërkohë, brenda dhe jashtë ambienteve të Gjykatës vijojnë të qëndrojnë mbështetës të ish-ministrit Tahiri.
Shtuar më 19/09/2019, ora 20:28
Shkruani komentin tuaj!
Të fundit nga kjo kategori