Ushtria turke po përdor detektorët anti-minë për të lokalizuar maunet të cilat kanë ngelur poshtë një orteku bore, transmeton Portali Albeu lajmin e televizionit turk të lajmeve Samanyolu.

7 maune në jug-lindje të Turqisë kanë ngelur mbrëmë nën një ortek bore. Maunet ishin në lëvizje gjatë kohës që bie orteku, i cili në disa vende ka krijuar trashësi bore deri në 4 metra.

Ushtria dhe banorët e zonës po punojnë për nxjerrjen e mauneve nga bora ndërsa deri më tani janë gjetur 5 maune ndërsa 2 të tjera akoma mbeten poshtë borës.

Për të gjetur maunet, ushtria po përdor detektorët anti-minë të cilët ndihmojnë në lokalizimin e mauneve poshtë borës. /albeu.com/