Bukuroshja e “Proçesit Sportiv” rrezikoi jetën, Erion Veliaj i bën dhuratë

Modelja Blerta Leka e cila do të përfaqësojë Shqipërinë në Miss Universe në datën 26 nëntor në Uashington, në një intervistë të dhënë para pak ditësh, tregoi se kishte rrezikuar jetën ndërkohë që xhironte në liqenin e Bovillës.

Pamjet duhet të xhiroheshin atje për të promovuar Shqipërinë, por edhe për të dhënë mesazhin e kapërcimit të vështirësive.

Ajo ishte ngjitur në 620 metra lartësi për të regjistruar pamjet, të cilat përpos mesazhit do të jenë edhe reklamë e mirë për Liqenin e Bovillës.

Për këtë arsye Kryetari i Bashkisë, Erion Veliaj e ftoi në zyrën e tij dhe i dha si dhuratë simbolin e Tiranës, Kullën e Sahatit.

Blerta Leka, është një e ftuar e përhershme tek studio e “Proçesit Sportiv” dhe në të ardhmen, është një kandidate serioze për të zëvendësuar Marina Vjollcën, në rolin e prezantueses, përkrah Edi Manushit. /albeu.com/

Shtuar më 15/11/2017, ora 23:21
Shkruani komentin tuaj!
Të fundit nga kjo kategori