Pendarovski mesazh Brukselit: Vendosni kush ka prioritet ”Ballkani i Hapur” apo ”Procesi i Berlinit”?!

Presidenti Stevo Pendarovski I ka bërë thirrje Brukselit që të vendos prioritetin midis dy nismave ekonomike në rajonin e Ballkanit perëndimor – “Ballkanit të Hapur “ dhe Procesit të Berlinit”, në të kundërtën, sic percjell KlanM, deklaratën e tij, “gara” mes dy nismave mund të shkaktojë ndarje në rajon.

Ndarja, sic tha Pendarovski, vjen nga fakti që në “Ballkanin e Hapur” marrin pjesë vetëm tre nga gjashtë vendet e Ballkanit Perëndimor.

“Në ekonomi ekziston një kompeticion midis dy nismave. “Ballkani i Hapur” është aktiv dhe punon tashmë tr evite, por Brukseli para tre muajve ktheu në “dyer të mëdha” “Procesin e Berlinit”, kurse me konferencën e fundit dha mesazhin se dëshiron të promovohet në organizatë – ombrellë ku të tjerët do të jenë vetëm komponenta. Dy nismat janë të dobishme, megjithatë, duhet të bëj thirrje tek përgjegjësit dhe kompetentët në Bruksel që të bëjnë prioritetin midis këtyre dy cështjeve, për shkak se nëse ata nuk e bëjnë në Bruksel, ne në Ballkan asnjëherë nuk mund ta bëjmë, kurse mbi këtë bazë njerëzit po ndahen, mes tjerash edhe për shkak se në “Ballkanin e Hapur” janë vetëm tre nga gjashtë vendet e Ballkanit Perendimor” – ka deklaruar Presidenti Pendarovski në tryezën e sotme të rrumbullakët “ Ballkani Perëndimor midis Perëndimit dhe Lindjes: Maqedonia e Veriut – anëtare e BE-së deri në 2030” të organizuar nga Këshilli i Ambasadorëve. /KlanMacedonia/