Një 46-vjeçar shqiptar që jeton në Gjermani është qëlluar me armë zjarri mëngjesin e kësaj të hëne në qytetin gjerman të Visselhövede, para një shkolle fillore.

Shqiptari, emri i të cilit nuk bëhet i ditur ishte duke marrë vajzën nga shkolla, kur dy persona me motor i janë afruar dhe e kanë qëlluar me armë zjarri.

Mësohet se ai ka humbur jetën në vend. Policia gjermane është vënë në kërkim të autorëve, por ende nuk i ka kapur.

Mësohet se kohë më parë 46-vjeçari kishte punuar si roje në një diskotekë dhe kishte rrahur fatalisht një të ri, për të cilin u dënua edhe me 1 vit burg.

Kjo ngjarje, sipas mediave gjermane ka ndodhur ne Shqipëri, ku punonte edhe viktima. Ai pati rrahur një te ri, i cili me pas gjeti vdekjen.

Pasi u lirua nga burgu, shqiptari emigroi me gjithë familjen ne Gjermani, ku arriti te merrte edhe statusin e azilantit, pasi ne Shqipëri i rrezikohej jeta.

Ndaj, Policia gjermane po heton në pistën e hakmarrjes. Dyshimet janë se autoret te jene porositur nga Shqipëria. Ndërkohë, vajza e tij e mitur është në gjendje shoku, pasi ka parë të gjithë skenën. /albeu.com/