Basha nxori pagën e babait të deputetit të PS, Kryemadhi: E kam thënë në Opinion para 1 viti

Kryedemokrati Lulzim Basha gjatë ditës së sotme në seancën plenare zbuloi pagën e babait të debutetit të PS.

Basha tha se babai i Alqi Bllakos paguhej 10 milion lekë nga inceneratori i Tiranës, e menjëherë pas kësaj erdhi reagimi i Kryemadhit i cila nëpërmjet një postimi në “Facebook” shkruan se këtë fakt e ka bërë ajo publike rreth një vit më parë në emisionin Opinion.

Ndër të tjera ajo shkruan se deputeti Alqi Bllao, bashkë me ish-ministrin Koka, e personat e tjerë të përfshirë janë paditur nga LSI.

Ajo thekson se nuk ka asnjë kompromis dhe se topi sipas saj është në anën e SPAK.

Reagimi i plotë:

“Sot një deputet i Kuvendit paska përmendur se babai i deputetit të PS Alqi Bllako, është punësuar me pagë 10 milionë lekë në muaj tek inceneratori i Tiranës.

Fakt ky, që unë e kam ekspozuar para 1 viti, në emisionin Opinion të gazetarit Blendi Fevziu, në datë 3 Mars 2021 (https://youtu.be/yëbDsYXBGD4), si dhe e kam denoncuar me prova në SPAK.

Deputeti në fjalë dhe deputetja tjetër, që drejton komisionin hetimor, le të merren me përgjegjësinë penale të Erion Veliaj, nëse e kanë kaq seriozisht zbardhjen e aferës. Kryetarit të bashkisë që ka shpërdoruar detyrën duke lidhur taksat e qytetarëve të kryeqytetit për 30 vjet me koncesionin e inceneratorit të Qarkut Tiranë, pa marrë vendimin e Këshillit Bashkiak, ndryshe nga çfarë parashikon ligji i vetqeverisjes vendore.

Ose, nëse kanë lidhur një 17 Maj të dytë, që përmes komisionit hetimor të gënjejnë publikun dhe t’i bëjnë presion SPAK, le ta deklarojnë publikisht.

Koka nuk ishte koka e inceneratorëve. Bllako e ka padinë me emër nga LSI për rolin e tij dhe pagën e babait. Ashtu edhe Rama, Veliaj, Subashi, e ministrat rilindas të përfshirë.

Asnjë kompromis të nëndeshëm nuk do mund të amnistojë përgjegjësit dhe të varrosë të vërtetën! Ajo do jetë edhe më publike, edhe më e qartë! Topi në fushën e SPAK…”,shkruan Kryemadhi.


Shtuar 17.02.2022 16:50