Privatizimi i PTK-së, ngrihet komisioni hetimor
Pëlqej
Komisioni hetimor për shitjen e PTK-së konsiderohet si i themeluar pavarësisht se përbërja e tij ende nuk është caktuar. 40 deputetët e LDK dhe PDK që kanë kërkuar formimin tij në seancën e sotme të jashtëzakonshme kanë kërkuar që anëtarët e këtij komisioni të hetojnë gjithë procedurën.

Seanca është mbajtur pa praninë e pozitës në Kuvend të cilët e kanë bojkotuar sallën. Por pavarësisht kësaj, ligji e lejon që komisioni të themelohet. Pritet vetëm përzgjedhja e anëtarëve të tij.

Kryesues i komisionit është propozuar Muhamet Mustafa, anëtarë të komisionit janë propozuar të jenë Hikmete Bajrami dhe Ahmet Zemaj nga LDK dhe Burim Ramadani nga AAK. Ismet Beqiri, kryesuesi i grupit parlamentar të LDK&-së, njëherazi edhe parashtrues i kërkesës tha se arsyeja kryesore që partia e tij kërkon hetim të këtij procesi është sepse privatizimi i aksioneve ka kaluar nëpër manipulime.

“Të bëhet hetimi i procedurave të ndjekura të këtij privatizimi i cili lë hapësirë për të dyshuar. Dhe komisioni duhet të ketë mandat 6-mujor”,-ka thënë Beqiri përgjatë kësaj seance. Derisa mosprezencën e pozitës në këtë seancë të jashtëzakonshme, konsideron se duhet ta vlerësojë vet qytetari që i ka sjell në atë vend.
“Vërtetë është e habitshme që pushteti bojkoton, tenton e saboton hetimin e një çështje. Mospjesëmarrja e tyre dëshmon paturpësinë për transparencë dhe mbështetjen e hetimit”,-tha ai.

Visar Ymeri, kryesues i Lëvizjes Vetëvendosje ka thënë se privatizimi është një tentim pucci qeveritar. Ai thotë se për privatizimin duhet të pyetej populli.

Ardian Gjini kryesues i Aleancës për Ardhmërinë e Kosovës, vlerëson nëse partitë në pushtet do të kishin qenë në këtë seancë do të mund të votonin kundër këtij komisioni. “Kjo seancë e bojkotimit të kuvendit është problematike”,-ka thënë Gjini derisa sqaron se procesi i privatizimin ka goxha mungesë transparence, prandaj sipas tij, komisioni duhet të hetojë edhe gjërat më të mëhershme sesa privatizimi.
Shtuar më 03/10/2013, ora 11:51
Shkruani komentin tuaj!
Të fundit nga kjo kategori