Rasic: Papunësia në vend, 40 %
Ministri i Punës dhe Mirëqenies Sociale (MPMS), Nenad Rasic, ka hedhur poshtë të dhënat e publikuara nga Agjencia e Statistikave të Kosovës (ASK), se papunësia në vend është vetëm 30.9 përqind.

Sipas gazetës “Tribuna”, Rasic thotë se shifra varion nga 35 deri në 40 përqind. “Sipas vlerësimeve tona, nuk mendoj se Agjencia po manipulon, por, përderisa nuk jemi në gjendje të observojmë dhe përcjellim drejtpërdrejt dinamikën e treguesve të punës, treguesit që janë determinuar në AFP nuk janë të fiksuar por të ndryshueshëm në dinamikë. Në këto ndryshime hyjnë faktorët si dimensioni ekonomik, politik, social, etj”,-tha Rasic për gazetën, derisa sugjeron se duhet të angazhohen mekanizma të tjerë për të realizuar këto matje.

Sipas ASK, në Kosovë janë 750,000 qytetarë që nuk llogariten si të papunë, por që nuk punojnë për arsye të ndryshme.
Shtuar më 02/10/2013, ora 09:59
Shkruani komentin tuaj!
Të fundit nga kjo kategori